Covid-19/ Berati ‘gumëzhin’ nga njerëzit, qytetarët vërshojnë nëpër rrugë
Covid-19 deri më tani në vendin tonë ka shënuar 259 të infektuar dhe 15 të vdekur por si duket rreziku nga kjo pandemi nuk i frikëson aspak qytetarët e Beratit, pasi sot rrugët e këtij qyteti gumëzhijnë nga njerëzit.
Koha e mirë me diell pas furtunës së djeshme të shiut i ka nxjerrë të gjithë jashtë pasi siç shihet nga këto foto rrugët janë të mbushura me qytetarë të të gjitha moshave.
Nëpër bulevarde, lulishte e sheshe, supermakete dhe dyqane, me ose pa leje për daljen nga banesat, beratasit kanë shfrytëzuar ditën me diell dhe kanë dalë në lëvizje në masë.
