Mobilizohet xhandarmëria serbe, 450 pjesëtarë të saj vendosen te kufiri me Maqedonin dhe Kosovën

Në kufirin me Maqedoninë janë dërguar forca shtesë policore, njoftojnë mediat serbe duke u thirrur në burime të Ministrisë së Brendshme të Serbisë. Ndërkohë që edhe në kufirin me Kosovën, të cilën Serbia e konsideron vijë administrative, janë dërguar edhe 450 pjesëtarë të xhandarmerisë serbe
Urdhri për të të dërguar më shumë policë në zonat kufitare është dhënë nga Ministri i Brendshëm i Serbisë Nebojsa Stefanovic.

Televizioni publik serb ka bërë të ditur se 450 pjesëtarë të xhandarmerisë serbe janë dërguar afër zonës tokësore të sigurisë me Kosovën.

Ndërkohë për shkak të situatës në Maqedoni Kryeministri i Serbisë nësër në ora 13, ka thirrur një takim urgjent të Zyrës për Koordinim të Shërbimeve të Sigurisë.