“Si u përzgjodhën 30 mjekët që shkuan në Itali dhe e kujt ishte idea”

Ministrja e Shëndetësisë, Ogerta Manastirliu, ka treguar detaje për 30 mjekët dhe infermierët që shkuan në Itali për të dhënë ndihmën e tyre.

Në një lidhje live me emisionin “Open” në Top Channel, Manastirliu u shpreh se 30 mjekët janë qenë vullnetarë nga aplikimi që u bë pas thirrjes së ministrisë.

“Ishte një ide e Kryeministrit Rama dhe u mbështet direkt. Mjekët dhe infermierët që janë dërguar në Itali janë vullnetarë që kanë aplikuar në portalin “Mjekë për Shqipërinë” dhe “Infermierë për Shqipërinë”. Ata janë mjekë dhe infermierë me specialitete të ndryshme dhe tashmë do shihet se ku mund të ndihmojnë në Itali“, tha ministrja.