VIDEO/ Rriten tensionet, Rusia lëshon raketë balistike ndërkontinentale dhe godet objektivin në Kamchatka!
Rusia njoftoi se ka kryer një lëshim të suksesshëm të një rakete balistike ndërkontinentale (ICBM) nga Kozmodromi Plesetsk, njoftoi Ministria ruse e Mbrojtjes.
Sipas autoriteteve ruse, raketa përshkoi një trajektore ndërkontinentale dhe goditi me sukses objektivin e përcaktuar në poligonin e provave Kura, në gadishullin Kamchatka.
Ministria e Mbrojtjes e ka cilësuar lëshimin si një provë për të testuar performancën e sistemit strategjik të raketave dhe funksionimin e tij në kushte reale.
Megjithatë, një lëshim i tillë ka edhe një rëndësi të gjerë strategjike, pasi demonstron se Rusia vazhdon të mbajë në gatishmëri kapacitetet e saj të forcave strategjike bërthamore.
Testet e raketave balistike ndërkontinentale janë pjesë e programit të Rusisë për mirëmbajtjen dhe modernizimin e arsenalit të saj strategjik, në një periudhë tensionesh të larta me Perëndimin.
Russia launches an intercontinental ballistic missile
Russia’s Defense Ministry says it has successfully carried out a combat-training launch of an ICBM from the Plesetsk Cosmodrome. The missile flew an intercontinental trajectory and struck its target at the Kura test range… pic.twitter.com/ovX0dsadCj
— NEXTA (@nexta_tv) August 28, 2026