Pse nuk po dakordësohet formimi i qeverisë së re në Kosovë?

Last Updated: 09/01/20 - 20:01

Edhe pse tashmë kanë kaluar disa muaj nga zgjedhjet për qeverinë e Kosovës, ku partia Lëvizja Vetëvendosja e Albin Kurtit dhe LDK e Isa Mustafës u shpallën fituse të zgjedhjeve, siç duket nuk ka akoma asnjë dakordësim për formimin e qeverisë së re.

Që nga shpallja e zgjedhjeve nga Komisioni Qendror i Zgjedhjeve në Kosovë e deri më tani dy liderët janë takuar disa herë mes tyre, por akoma pa një rezultat konkret që do të çonte në formimin e qeverisë së Kosovës. Kjo mesa duket ka ardhur si rezultat i dallimeve të mëdha ideologjike që ekzistojnë midis dy partive, por edhe aq si pasojë e kërkesave të shumta që mesa duket LDK ka ndaj Vetëvendosjes së Albin Kurtit.

Në fakt edhe vetë Kurti në një nga intervistat e tij të dhëna pas takimit pa sukses me kreun e LDK-së Isa Mustafa, ka lënë të kuptohet se mosdakordësia për krijimin e koalicionit qeveritar ka ardhur si shkak i kërkesave jo të pranueshme që Mustafa ka pasur ndaj Kurtit.

“I kemi ofruar gjithçka që kemi mundur Lidhjes Demokratike të Kosovës. I ofruam Nën/Kryetarin e parë të Kuvendit, Zv.Kryeministrin dhe ministritë që kërkoi. Kemi kërkuar që të mbajmë Ministrinë e Punëvë të Brendshme, pasi nga ajo varet luftimi i korrupsionit dhe krimit të organizuar që ua kemi premtuar kaq shumë qytetarëve të Kosovës. Madje edhe diskutimin mbi zgjedhjen e presidentit të ri e kemi lënë të hapur. Më shumë se kaq as mundemi e as duam të ofrojmë”. Kjo ka qenë një ndër deklaratat e kreut të Vetëvendosjes Kurti, pas takimit me Mustafën./Gazeta SHQIP

Last Updated: 09/01/20 - 20:01