Rusia: Jemi të shqetësuar për projektin e Shqipërisë së Madhe

Ambasadori rus në Beograd, Aleksandr Konuzin

Beograd, 1 qershor 2012, ZSH – Ambasadori rus në Beograd, Aleksandr Konuzin deklaron se shteti që ai përfaqëson është i shqetësuar për ekzistencën e një projekti për krijimin e Shqipërisë së Madhe. Duke mos e vënë në dyshim ekzistencën e këtij projekti, Konuzin shprehet se ai është i rrezikshëm për gjithë rajonin.
“Është një projekt shumë i rrezikshëm për tërë rajonin e Evropës Juglindore dhe kjo do të përbënte një precedent”, ka thënë diplomati i lartë rus në Serbi. Më tej, siç raportojnë mediat serbe, ambasadori ka theksuar se Rusia do të kundërshtojë përpjekjet për realizimin e diçkaje të tillë. Deklarata e tij është bërë gjatë një forumi të zhvilluar mbrëmjen e djeshme në Beograd për marrëdhëniet ruso-serbe. Konuzin ka theksuar se Rusia mbështet të gjitha përpjekjet e pajtimit të popujve të ish-Jugosllavisë. Sipas tij, Serbia ka zhvilluar një politik të ekuilibruar në këtë drejtim.

Konuzin ka theksuar se pavarësisht ndryshimeve të qeverive në Serbi, marrëdhëniet me Rusinë nuk ndryshojnë. Në lidhje me çështjen e Kosovës, diplomati rus është shprehur se Moska do të mbështesë linjën që ka Beogradi.

Mundesohet nga faqet ne facebook: ” Te behemi 50.000 veta kunder regjistrimit te fese & kombesise.Loje e Grekut “ dhe ” Zgjohu Shqiptar !!! “ —> “Shperndaje”