Irani nuk tërhiqet! Trump zotohet se do të “hedhë në erë” Parsin Jugor, burimin më të madh të gazit në botë
Lufta në Lindjen e Mesme ka hyrë në ditën e saj të 20-të ndërsa situata mes vendeve të përfshira vijon të jetë tensionuese.
Presidenti amerikan, Donald Truimp ka paralajmëruar se do të “hedhë në erë” fushën më të madhe të gazit në botë, një aset kyç iranian, nëse Teherani vazhdon sulmet ndaj Katarit.
Përmes një postimi të bërë në rrjetin e tij në Truth Social, Trump tha se SHBA-të “nuk dinin asgjë” për planin e Izraelit për të sulmuar fushën e Parsit Jugor dje. Ndërsa theksoi se çmimet e naftës u rritën përsëri ndërsa objektet e energjisë në rajon u sulmuan.
Arabia Saudite tha se “rezervonte të drejtën për të ndërmarrë veprime ushtarake” kundër Teheranit, ndërsa Katari dëboi atashetë ushtarakë dhe të sigurisë të Iranit .
Mëngjesin e sotëm, predha të panjohura goditën dy anije në incidente të ndara në dhe përreth Gjirit Persik.
Një ditë pas dorëheqjes së tij, ish-shefi i antiterrorizmit i administratës Trump, Joe Kent, u shpreh se kishte “asnjë informacion” se Irani do të niste një “sulm të madh të fshehtë”.
Reuters raporton se Parsi Jugor është pjesë e rezervës më të madhe të gazit natyror në botë. Irani e ndan fushën e gazit, e cila ndodhet në det të hapur në Gjirin Persik, me Katarin, i cili e quan pjesën e tij Kupola e Veriut. E gjithë fusha e gazit përmban rreth 1,800 trilionë metra kub gaz të përdorshëm të mjaftueshëm për të furnizuar nevojat e botës për 13 vjet.
Rëndësia e tij është mjaft e madhe pasi është burimi më i madh i gazit në Iran nga Parsi Jugor.
Irani ka vuajtur më parë nga mungesa e energjisë për shkak të ndërprerjeve në furnizimin me gaz, pasojat e të cilës janë shfaqur dhe në prodhimin e energjisë elektrike dhe për të ngrohur shtëpitë.
Kujtojmë se gjatë sulmeve të mëparshme izraelite ndaj Iranit në qershor 2025 që goditën pjesë të Parsit Jugor, zyrtarët i thanë CNN në atë kohë se pala e Katarit ishte një “burim jetësor energjie për SHBA-në, Evropën dhe botën”.
Postimi i Donald Trump:
Izraeli , i zemëruar për atë që ka ndodhur në Lindjen e Mesme, sulmoi me dhunë një strukturë të madhe të njohur si Fusha e Gazit South Pars në Iran. Një pjesë relativisht e vogël e fushës u godit. Shtetet e Bashkuara nuk kishin dijeni për këtë sulm dhe Katari nuk kishte asnjë përfshirje, as nuk e dinte se do të ndodhte.
Fatkeqësisht, Irani nuk ishte në dijeni të kësaj ose të ndonjë fakti përkatës që rrethon sulmin në South Pars dhe sulmoi padrejtësisht dhe pa bazë një pjesë të objektit të LNG-së së Katarit. Nuk do të ketë sulme të mëtejshme nga Izraeli në fushën jashtëzakonisht të rëndësishme dhe të vlefshme South Pars, përveç nëse Irani, me naivitet, vendos të sulmojë Katarin shumë të pafajshëm – në të cilin rast, Shtetet e Bashkuara të Amerikës, me ose pa ndihmën ose pëlqimin e Izraelit, do ta hedhin në erë masivisht të gjithë fushën e gazit South Pars me një forcë dhe fuqi që Irani nuk e ka parë ose njohur kurrë më parë.
Nuk dua ta lejoj këtë katastrofë për shkak të implikimeve afatgjata që do të ketë për të ardhmen e Iranit, POR NËSE LNG-ja e KATARIT SULMOHET PËRSËRI, NUK DO TË HEZITOJ TA BËJ KËTË.” Faleminderit për vëmendjen tuaj.” për këtë çështje. Presidenti DONALD J. TRUMP