Anije spiune ruse “në buzë të ujërave” britanike, u drejton lazerat pilotëve, Mbretëria e Bashkuar “i tregon dhëmbët” Moskës: Ne jemi gati

Sekretari i Mbrojtjes ka paralajmëruar Rusinë se Mbretëria e Bashkuar është “e gatshme” nëse një anije spiune e vërejtur në veri të Skocisë shkon më thellë në ujërat britanike këtë javë.

John Healey zbuloi në një fjalim këtë mëngjes se Yantar, e cila përdoret për të hartëzuar kabllot nënujore, është aktualisht “në buzë të ujërave të Mbretërisë së Bashkuar” për herë të dytë këtë vit.

Pasi një fregatë e Marinës Mbretërore dhe aeroplanë RAF P8 u dërguan për të ndjekur anijen, anëtarët e ekuipazhit rus ndërmorën veprimin “shumë të rrezikshëm” të drejtimit të lazerave drejt pilotëve.

Healey tha në konferencën për shtyp se mesazhi i tij për Rusinë dhe presidentin e saj Vladimir Putin ishte: “Ju shohim, e dimë çfarë po bëni dhe nëse Yantar udhëton drejt jugut këtë javë, ne jemi gati.”

Sekretari britanik i Mbrojtjes shtoi se kjo ishte hera e dytë që anija ishte vendosur në ujërat e Mbretërisë së Bashkuar këtë vit. John Healey tha se ekziston kërcënim real nga anijet ruse të spiunazhit, pasi ka pasur sulme kibernetike të përhapura kundër sistemeve të mbrojtjes.

“Kjo është një anije e projektuar për mbledhjen e inteligjencës dhe hartëzimin e kabllove tona nënujore”, është shprehur ai.