Samiti i BERZH: Kurti krah kryeministres Bërnabiç, kërkon njohjen e Kosovës nga Serbia

Last Updated: 24/02/20 - 18:02
Samiti i BERZH: Kurti krah kryeministres Bërnabiç, kërkon njohjen e Kosovës nga Serbia

Liderët e gjashtë vendeve të Ballkanit Perëndimor janë bërë bashkë sot në Londër ku po marrin pjesë në Samitin e Bankës Europiane për Rindërtim dhe Zhvillim.

Zëvendëspresidenti i BERZH, Jurgen Rigteri ka postuar një foto në llogarinë e tij në Twitter, ku ka bërë të ditur se Kryeministri i vendit, Albin Kurti, ka kërkuar reciprocitet dhe njohjen e Pavarësisë së Kosovës nga Serbia.

Ndërsa kryeministrja serbe, Ana Bërnabiç ka thënë se përmirësimi i tregtisë rajonale është thelbësor për sigurinë në rajon.

Sidoqoftë, ky qëndrim i Kurtit në një pikë bie në kundërshtim me ato që po kërkojnë ndërkombëtarët, në veçanti Amerika. Për reciprocitetin është një kërkesë e qartë që Kurti nuk po e përfill.

Ndërkohë, për këtë temë, kreu i Qeverisë nuk ka pajtim as me aleatin në koalicion, pasi krerët e LDK-së kanë thënë se nuk duhet të ngutet me reciprocitet sepse, sipas tyre, raportet me SHBA janë më të rëndësishme se gjithçka tjetër.

Kryeministri i Kosovës, Albin Kurti është duke marrë pjesë në Samitin e Bankës Evropiane për Rindërtim dhe Zhvillim në Londër.

Në këtë samit të pranishëm janë kryeministrat nga vendet e Ballkanit Perëndimor, përfshirë kryeministren e Serbisë Ana Bërnabiç, kryeministrin e Kroacisë, Andrej Plenkoviç, kryeministrin e Shqipërisë, Edi Rama, kryeministri i Malit të Zi, Dushko Markoviç.

Gazetari i “The Ecomonist”, Tim Judah ka publikuar një fotografi të Kurtit me Bërnabiçin të cilët janë parë të ulur pranë njëri-tjetrit.

Më 15 shkurt, Kurti u takua për herë të parë me presidentin serb, Aleksandar Vuçiç në Konferencën e Sigurisë në Mynih të Gjermanisë.

Last Updated: 24/02/20 - 18:02
Back to top button
LAJMET E FUNDIT