Juncker flet pa “dorashka”: S’kam ardhur për premtime boshe. Drejtësia të bëjë punën e saj!

Në konferencën e përbashkët për media, kryeministri Rama citoi se vizita e Juncker vjen në një kohë pak para se të çelen negociatat. Nga ana tjetër, duke ia kthyer me të njëjtën monedhë, presidenti Juncker tha se nuk ka ardhur në Tiranë që të japë një datë për çeljen e negociatave, por për të inkurajuar Shqipërinë në nismat dhe reformat që ka ndërmarrë. Ai po kështu tha qartazi se nuk ka ardhur për premtime boshe, por do që të inkurajojë Shqipërinë për reformat.“Kam ardhur që ti shpëtoj Brukselit, por më pëlqen Brukseli në Tiranë. Është një moment që e tregon ndryshimin, duke përfshirë faktin që Shqipëria, për mua nuk ka asgjë të habitshme që të mos jetë pjesë e BE. E njoh nga larg, por jo mjaftueshëm dhe mund të jap një gjykim për atë që përbën forcën në këtë vend.Janë bisedime të një kohe të gjatë. Kur erdha në vizitën e parë, Rama ishte bashkiak, dhe dëgjova dyshimet për Shqipërinë. Për ne Shqipëria dhe Ballkani kanë perspektivë evropiane dhe Shqipëria është evropiane, por jemi ndarë nga historia, por nuk duhet humbur aq shumë kohë sa na është dashur.Duhet të rishikojmë historinë përmes pajtimit. Konstatoj që Shqipëria po akumulon, progresi se ka nisur, shumë reforma dhe kështu Komisioni Evropian do të hapë negociatat. Nuk kam ardhur për premtime boshe, por s’është ky qëllimi, por dua të inkurajoj Shqipërinë për reformat kundër krimit, Vettingu, Gjykatat.Duhet ti jepet fund konflikteve rajonalë dhe e mbështesim Shqipërinë në përmirësimin me vendet e Ballkanit Perëndimorë. Vendi i Shqipërisë është në BE”, deklaroi ai.“Sa për Vettingun, konstatoj që procesi po jep rezultate mbresëlënëse, ne jemi të siguruar dhe procesi do të vijojë edhe kur Komisioni do të publikojë rezultatet. Pastaj ka raste që i intereson opinionit shqiptar, që mund të ndikojnë në këtë lloj diskursi, por mendoj që i takon drejtësisë shqiptare që të bëjë punën e sajë, dhe mendoj që do ta bëjë. Nuk mund të them unë se cili është fajtor dhe cili jo. Përsa i përket vendeve anëtare është shumë e vështirë të japësh një gjykim final, kam një përvojë të gjatë, kam kryesuar KE në 1997, kam qenë pjesë e traktateve të anëtarësimit me Rumaninë dhe Bullgarinë”, deklaroi Juncker./ZgjohuShqiptar.info