Albin Kurti merr detyrën. Nuk e pret Haradinaj, por Pacolli

Kryeministri i sapozgjedhur i Kosovës, Albin Kurti, gjatë ditës së sotme ka marrë zyrtarisht detyrën nga ish-zëvendëskryeministri Behgjet Pacolli, pasi kryeministri në detyrë Ramush Haradinaj, kishte deklaruar se nuk do ta priste liderin e VV.

Siç raportojnë mediat kosovare, kjo gjë ka ndodhur në një ceremoni solemne në oborrin e qeverisë së Kosovës, të cilën Kurti do ta udhëheq që nga sot.

Pas ceremonisë, tani pritet që kryeministri Kurti të mbajë edhe mbledhjen e parë me kabinetin qeveritar.