Berisha: Rama largohet me lëvizje të fuqishme popullore dhe revolucion, ndihmën 1.15 mld euro do e vuajmë

Sali Berisha ka bere thirrje për revolucion popullor. Sipas tij, Rama largohet me lëvizje të fuqishme popullore.

Sali Berisha:Unë mendoj se Edi Rama qëndron në pushtet, bëhet më kriminel, më i rrezikshëm, më përbindësh, më anti-shqiptar dhe sjell më të kqijat për këtë vend. Ai duhet të largohet me revolucion popullor. 

Çdo shqiptar duhet t`i analizojë të gjitha këto qëndrime. Sot pa përjashtim të gjithë ata që firmosin në bordero marin një rrogë më të vogël se 7 vite më parë. Shqiptarët kishin lënë pas 7 vende për rrogat mesatare në rajon. 

Unë mendoj se PD bën diskutime, por vendimet nuk i kam të qarta. Janë disa gjëra të thjeshta, unë dëgjoj se kur flasin për Edi Ramën ka njerëz që flasin sikur nuk ka ndodhur asgjë. Unë i përshëndes ata djemtë në Durrës që nuk ia varën. 

Unë mendoj se PD duhet të punojë më shumë për të fituar besimin e shqiptarëve. Nuk mud të krahasohen këta që janë sot në pushtet me Partinë Demokratike. Ky është pushteti i krimit. E dini ku është prokurori sot, në kulmin e fuqisë në Prokurorinë e Durrësit. E dini ku është Rrumi sot? Në shtëpinë e tij. 

Po nuk u përmbys Rama këtu nuk ka të ardhme. Ai nuk largohet kurrë nga pushteti pa parë atë që meriton. E kanë dorë shqiptarë ta cënojnë dhe ta hedhin në koshin e plehrave të historisë. Shqiptarët duhet ta dinë se është në dorën e tyre të ngrihen. 

Nuk mendoj se opozita e bëri sa duhet. Largimi im është pa kthim. Për mua është e domosdoshme hapja dhe afrimi i emigracionit dhe diasporës është i një rëndësie përcaktuese për qeverisjen e ardhshme. 

I pyetur nëse ndërkombëtarët do ta mbështesnin këtë zgjidhje, ndërkombëtarët ai ka këtë përgjigje:

Sali Berisha: Nuk ka qeveri në botë që kundërshton rrëzimin e një narkoshteti, kush në botë jo.

Sa i takon fondeve që Shqipëria mori për rindërtimin pas tërmetit, Berisha tha se qytetarët do të zhgënjehen, pasi ato donacionet do menaxhohen nga ai që ish-kryeministri e quajti hajdut, Arben Ahmetaj.

Rama, tha ish-kryeministri, është “peng” i Beogradit, pasi mbështeti shkëmbimin e territoreve Kosovë-Serbi.

Sipas tij, do të jenë Shtetet e Bashkuara të Amerikës, ato që do të arrijnë zgjidhjen mes Kosovës dhe Serbisë, pasi Evropa dështoi.