Deputetet Anglezë: Shqipëria perlë turistike!

Në datë 13 shkurt 2018 në orën 17:00 Deputetët e Parlamentit Britanik të Dhomës së Përfaqësuesve të Zgjedhur dhe të Dhomës së Londrës u pritën në takimin zyrtar me Bordin e Dhomës së Tregtisë dhe Industrisë Shqipëri – Britani e Madhe në Tiranë.
Kryetari i Grupit Parlamentar, Deputeti Whitingdale, në fjalën e falenderimit theksoi rëndësinë e punës së Dhomës Britanike në Shqipëri jo vetëm në mbështetje të investitorëve Britanikë të cilët janë gjithmonë të interesuar për mundësi dhe për bashkëpunime të sukseshme, por edhe për promovimin e Shqipërisë në Britaninë e Madhe

Ndër të tjera Deputeti Whittingdale i rikonfirmoi Presidentit të Dhomës së Tregtisë dhe Industrisë Shqipëri Britani e Madhe Zenel Hoxha dhe Bordit të pranishëm, se Parlamenti do të jetë në mbështetje të Dhomës dhe kërkoi të dijë se ku janë industritë me interes dhe ndihma që ata në emër të Qeverisë Britanike mund të japin për rritjen e volumit tregtar midis të dy vendeve. Ai theksoi se pavarësisht nëse Brexit ndodh apo jo ne kemi dëshirë të mbështesim punën e Dhomës së Tregtisë dhe Industrisë Shqipëri – Britani e Madhe dhe për këtë qëllim do të japim sugjerimet tona Departamentit e Zhvillimit të Tregtisë dhe Industrisë në Britaninë e Madhe.
Në fjalën e tij Presidenti i Dhomës së Tregtisë dhe Industrisë Shqipëri – Britani e Madhe Zenel Hoxha i prezantoi Deputetët me punën e bërë nga Dhoma këto dhjetë vitet e fundit, qe nga vizita e parë e Deputetëve në Shqipëri në 2007. Antarët e Dhomës të cilët kanë zhvilluar një punë të madhe në promovimin e mundësive që Shqipëria ofron, në shkollimin e fëmijëve të tyre në Britani por edhe në përballjen me problemet që ka një vend në zhvillim, janë pikërisht ata të cilët mirpresin çdo bashkëpunim me kompanitë Britanike dhe ndërkombëtare.
Disa nga anëtarët e Bordit dhanë këndvështrimin e tyre mbi realitetin e të bërit biznes në Shqipëri për 25 vjet, kompania BP dhe kompania shqiptare Miell Tirana. Avokati Bilal Kola, anëtar i bordit, informoi të ftuarit mbi zbatueshmërinë e ligjit, funsionimin e enteve publike por edhe të drejtës së pronës për investitorët e huaj dhe se si Dhoma i informon, këshillon e mbështet ata në të gjitha këto shqetësime. Profesoresh Shpresa Deliaj i përshkroi deputetëve Britanikë kontributin e Dhomës në mbështetjen e promovimin e kulturës dhe gjuhës angleze ku ngritja e ESU apo trajnimi i mësueseve të anglishtes është vetëm një pjesë e punës së Dhomës.
Deputeti Steven Pound foli me superlativa për bukuritë natyrore të Shqipërisë dhe oportunitetet për turizmin, ai i kërkoi Dhomës të përqëndrohet më shumë në lehtësimin e udhëtimit të turistëve Britanik në Shqipëri përpara se të fillojë turizmi masiv nga vende të ndryshme. Ai e konsideron Shqipërine si një perlë të pa zbuluar nga turistët e huaj./ZgjohuShqiptar.info