VIDEO/ Tragjedi rrugore në Brazil, autobusi që transportonte pacientë me aftësi të kufizuara përplaset me kamionin, të paktën 23 të vdekur!
Një përplasje ballore midis një autobusi dhe një kamioni vrau të paktën 23 persona në qytetin jugor brazilian Ibituba, thanë autoritetet.
“Fatkeqësisht, 23 pasagjerë të autobusit humbën jetën dhe katër persona të tjerë u plagosën”, njoftoi ‘Via Araucaria’, kompania e menaxhimit të autostradave në shtetin e Paraná-s, ku ndodhet qyteti.
Imazhet e transmetuara nga mediat lokale tregojnë një autobus të dëmtuar pranë një kamioni.
Sipas policisë, kamioni hyri në trafikun që vinte përballë dhe u përplas ballë për ballë me autobusin. Shoferi i kamionit është midis të vdekurve.
Imazhet nga vendi i aksidentit tregojnë një autobus të aksesueshëm për persona me aftësi të kufizuara të përplasur pranë kamionit në anë të rrugës.
Autobusi i përkiste shërbimeve shëndetësore të komunës së Ibitubës, nga ku ishte nisur për të transportuar pacientë në spitalet në Curitiba, kryeqytetin e shtetit Paraná.
Aksidentet rrugore janë të zakonshme në Brazil, një vend i gjerë ku rrjeti hekurudhor nuk është i zhvilluar mirë.
Të dielën, tetë persona vdiqën në Rio de Janeiro kur autobusi në të cilin po udhëtonin u përmbys.
Në shkurt, një autobus që po kthehej nga një festival fetar në verilindje të vendit doli nga kursi dhe u përmbys, duke vrarë 16 persona.
⚠️ Acidente entre micro-ônibus e carreta deixa 23 mortos no Paraná
Acidente ocorreu no km 209 da BR-373, em Imbituva, a cerca de 180 km de Curitiba, no Paraná; há ao menos 5 feridos pic.twitter.com/SPa3kgPNfH
— Metrópoles (@Metropoles) August 19, 2026