Martohet “vajza më e bukur në botë”!

Tylan Blondeau, modelja franceze 25-vjeçare që dikur u cilësua si “vajza më e bukur në botë”, është martuar me partnerin e saj në një ceremoni të zhvilluar në Paris.

Për ditën e veçantë, Blondeau zgjodhi një fustan nusërie elegant të bardhë me pelerinë. Ajo i kishte mbledhur flokët në një topuz të ulët dhe elegant, ndërsa grimin e mbajti të lehtë dhe natyral.

✨ Mariage de Thylane Blondeau et Benjamin Attal à la mairie du 16e arrondissement de Paris

Grand jour pour Thylane Blondeau et Benjamin Attal ! Le couple s’est dit « oui » lors d’une cérémonie organisée à la mairie du 16e arrondissement de Paris, entouré de leurs proches.… pic.twitter.com/FaNF2H0JqG

— Closer France (@closerfr) June 29, 2026

Nga ana tjetër, dhëndri u shfaq me një kostum blu të errët, këmishë të bardhë dhe flokë të krehur mbrapa me xhel.

Blondeau dhe partneri i saj prej tetë vitesh, sipërmarrësi Benjamin Attal, mbërritën së bashku në vendin e ceremonisë me një Porsche 356 Speedster. Të ftuarit i pritën jashtë ambientit, duke i përshëndetur dhe duke fotografuar momentin.

Në mars të këtij viti, Tylan Blondeau kishte bërë publik fejesën përmes Instagramit. Ajo ndau disa foto romantike nga udhëtimi i tyre dhe shkroi: “I thashë ‘po’ mikut tim më të mirë.”