Ambasada e Greqisë: Asnjë shtetas shqiptar nuk po pengohet, zgjatje për lejet e qëndrimit që skadojnë

Ambasada greke në Tiranë, ka reaguar lidhur me zhvendosjen e emigrantëve shqiptarë që mbyllja e kufijve për shkak të pandemisë i gjeti në vendin fqinj.

Ndër të tjera njoftohet:

“Në lidhje me informacione konfuze që transmetohen prej  mediave shqiptare për vështirësi me të cilat përballen qytetarë shqiptarë të cilët dëshërojnë të vijnë nga Greqia për në Shqipëri, Ambasada e Greqisë në Tiranë sqaron se absolutisht në asnjë rast Autoritetet Greke nuk pengojnë daljen nga vendi të qytetarëve shqiptarë që dëshërojnë të hyjnë në Shqipëri nëpërmjet pikave  kufitare të kalimit Greqi – Shqipëri.

Për më tepër, janë dekretuar amendime  të posaçme  që  parashikojnë  zgjatje të lejeve të qëndrimit  që skadojnë brënda afatit kohor gjatë të cilit janë në fuqi  masat e jashtëzakonshme”, nënvizon ambasada. (TemA)