Nga Berisha, te Salianji e Merjeme Sala! Pesë emra në garë për të marrë drejtimin e PD

Partia Demokratike ka hyrë në një fazë procesi zgjedhor të brendshëm. Këtë të enjte, 30 prill, në orën 12:00 skadon afati për dorëzimin e kandidaturave për postin e kryetarit të forcës opozitare më të madhe në vend.

Deri më tani, raportohet se kanë shprehur vullnetin e tyre për postin e kryedemokratit, Sali Berisha, Ervin Salianji dhe Evis Kokalari (aktiviste), Merjeme Sala (mjeke) dhe Alesia Balliu.

Sekretari i Përgjithshëm i kësaj partie, Flamur Noka, deklaroi në një prononcim për gazetarët se demokratët kanë qenë tejet transparent në këtë proces.

“Ka pasur një muaj kohë për këdo që aspiron”, deklaroi ai.