Presidenti i KE Juncker : Impresionante, Shqipëria nuk pushon së bëri progres

Kanë mbërritur pasditen e sotme në kryeqytetin shqiptar Presidenti i Komisionit Europian, Jean-Claude Juncker dhe Komisioneri i Zgjerimit, Johannes Hahn. Pas takimit që zgjati më shumë se një orë në Kryeministri, Juncker dhe Rama kanë dalë në një konferencë shtypi të përbashkët për mediat.Në fjalën e tij Presidenti Juncker theksoi se Shqipëria nuk pushon së akumuluari progres, ka bërë shumë reforma impresionate, progresi është mbresëlënës, nëse vijon kështu.Jean-Claude Juncker deklaroi në Tiranë se:

“Bisedimet kanë nisur më parë. Kur erdha në vizitën e parë në Tiranë, kryeministri ishte kryebashkiak dhe dëgjova rezervat që shprehën të tjerët për të. Shqipëria dhe Ballkani janë vende miq, që janë perspektivë evropiane, pasi Shqipëria është një vend evropian, jemi ndarë nga historia, por nuk duhet humbur kaq shumë kohë për t’u ndarë. Bëhet fjalë për ta rishikuar historinë përmes pajtimit.Konstatoj që Shqipëria nuk pushon së akumuluari progres, ka bërë shumë reforma impresionate, progresi është mbresëlënës, nëse vijon kështu, KE do të rekomandojë hapjen e negociatave. Nuk kam ardhur për të bërë premtime bosh, por vetëm mund të inkurajoj Shqipërinë që të vijojë reformat, sidomos në luftën kundër krimit, vettingut, organizimit të gjykatave.Do të jemi përkrah Shqipërisë për ta ndihmuar të përgatisë anëtarësimin. Mbështesim Shqipërinë edhe në përmirësimin e marrëdhënieve me vendet e Ballkanit Perëndimor. Rikonfirmoj, se vendi i Shqipërisë është në gjirin e BE” deklaroi ai.Ata do të qëndrojë në Shqipëri deri mesditën e së hënës, ndërsa do të zhvillojnë takime me drejtuesit më të lartë të shtetit shqiptar. Juncker dhe Hahn do të vendosin theksin gjatë vizitës në Shqipëri te zbatimi i reformës në drejtësi në prag të rekomandimet të hapjes së negociatave, që pritet të marrë dritën jeshile në qershor./ZgjohuShqiptar.info