Vaçe Zela kthehet në vendlindje, vendoset shtatorja e këngëtares në qendër të Lushnjës

Në Katedralen e St.Gallenit më 18 janr 2020 ka marrë detyrën e kanonikut Dom Marjan Marku, njeriu i parë në historinë 173 vjeçare të Ipeshkvisë së St.Gallenit të cilit i është besuar ky titull i lartë duke qenë jo vetëm me prejardhje jozvicerane por edhe me pasaportë të huaj

Këngëtarja e njohur Vaçe Zela, muzika e së cilës do të jetojë përgjithmonë me ne, këtë vit është rikthyer në vendlindjen e saj, në Lushnjë, shkruan KultPlus.

Mediat në Shqipëri kanë bërë të ditur që në qendër të qytetit të Lushnjës, është vendosur shtatorja e këngëtares së madhe shqiptare.

Qytetarët e adhuruesit e këngëtares kanë qenë të pranishëm në vendosjen e shtatores, një shtatore kjo që shfaq një nga momentet më të bukura të këngëtares, momenti kur ajo me kitarë këndonte ”Moj e bukura Arbëri”.

Shtatorja është punuar nga skulptori Arben Bajo, ndërsa ky event u përcjell me këngë nga këngëtarë të njohur shqiptarë, si Irma dhe Eranda Libohova, Sidrit Bejleri, Orgesa Zaimi e të tjerë.

Vendosja e shtatores së këngëtares nuk është bërë rastësisht këtë muaj dhe këtë vit, pasiqë përkon me organizimet e rastit të 100 vjetorit të Kongresit të Lushnjës.