Serbia traktat për paqen me Kosovën, Kuçi: SHBA dhe BE t’i bëjë presion

Zëvendëskryeministri i Kosovës, Hajredin Kuçi, thotë se ideja e tij për një traktat paqeje mes Kosovës dhe Serbisë mund të duket e paarritshme për momentin, por ai shton se, ata që kanë bërë luftën kanë një detyrim për paqen në vend dhe harmoni me fqinjët.

Kuçi, njëkohësisht edhe ministër i Drejtësisë ndodhet në Lowa, në kuadër të një programi partneriteti mes këtij shteti dhe Kosovës.

Zëvendëskryeministri tha për “Zërin e Amerikës”, se traktati është më shumë si objektiv në fund të një procesi të marrëdhënieve mes Kosovës dhe Serbisë, sesa si një qëllim i afërt. Ai thekson se pavarësisht se mund të duhet një muaj, një viti, apo disa vjet për ta arritur këtë, kjo do të jetë një zgjidhje e përhershme.

Për Kuçin një element thelbësor për sukses do të është “presioni pozitiv nga Shtetet e Bashkuara të Amerikës dhe Unioni Evropian”. Ideja e tij është që për çdo lloj dialogu mes dy vendeve, Kosova të parashtrojë një propozim për traktat paqeje, por në fillim duhet një garanci nga Shtetet e Bashkuara të Amerikës dhe Bashkimi Evropian.

Zëvendëskryeministri Kuçi nuk iu përgjigj drejtpërdrejt kërkesës së serbëve të Kosovës që të përfaqësohen në bisedime si palë, por tha se çelësi i zgjidhjes së problemeve të tyre është në Beograd.