‘Tërbohen’ mediat greke, ja çfarë shkruajnë për protestën e çamëve

Mesa duket do të ketë sërish ‘provokacija’ mes Shqipërisë dhe fqinjeve. Kësaj here jo me Serbinë, por me shtetin helen.Shkak është bërë protesta e Shoqatës Çamëria dhe përfaqësuesve politik të PDIU-së, përpara ambasadës greke në Tiranë për shkak të çështjes çame.Shoqata Çamëria dhe PDIU kanë protestuar ashpër dhe me akuza të rënda kundër Greqisë, pas kërkesës së shtetit fqinj që Shqipëria të fshijë nga tekstet e saj termin ‘Çamëri’.‘Mbledhje provokuese, shqiptarët duan që Greqia të kërkojë falje për çamët’.Ky është titulli kryesor i gazetës ‘Elefteros Typos’ (shtypi i lirë) në Greqi.Kjo media ka pasqyruar me detaje protestën e djeshme përpara amabasadës greke në Tiranë ku shkruan: ‘Shqiparët këmbëngulin me çdo mënyrë që të ulin në tavolinë temën që nuk ekziston për Çamërinë. Kësaj here e kanë treguar me një protest përpara ambasadës greke në Tiranë. Madje në këtë protestë, ata i kanë kërkuar Greqisë që të kërkojë falje de të kthejnë pronat nga pushtuesit (grekët).Çamëtt, siç raporton Reuters, janë të xhindosur sepse Greqia i ka propozuar Tiranës që të fshijë termin Çamëri.’-shkruan elefterostypos.Ashpër ka reaguar dhe televizioni kombëtar ANT1. Kjo media e ka nisur shkrimin e saj duke komentuar pankartat dhe figurën e Jozef Gembells.‘Pronat dhe të drejtat e tyre i kanë kërkuar çamët Greqisë në një protest në Tiranë, madje duke krahasuar politikanë grekë me Jozaf Gembells (nazist në kohën e Hitlerit).Organizatorët kanë kërkuar nga qeveria greke kthimin e pasurive të tyre.’-shkruan ANT1.Edhe ‘Protothema’, një nga gazetat më prestigjioze në Greqi, e ka pasqyruar protestën përpara ambasadës greke duke shkruar se çamët i kërkojnë Greqisë që të kërkojë falje.Protothema ka zbardhur edhe fjalën e Shpëtim Idrizit, i cili sipas tyre ka këkruar në fillim që Greqia të kërkojë falje për vrasjet e mijëra çamëve që u masakruan në shtëpitë e tyre dhe jo në luftë.Duke iu referuar të njëjtit artikulli nga Reuters, ka reaguar edhe gazeta Ekathimerini./ZgjohuShqiptar.info