SPAK sekuestron tenderin e Porto-Romanos, u shpall fitues pa garë

Prokuroria e Posaçme, SPAK ka sekuestruar dosjen për tenderin 17 miliardë lekë, të zhvilluar nga Agjencia Kombëtare e Ujësjellës-Kanalizime për mbylljen e landfillit të Porto-Romanos.

Në buletinin e Agjencisë së Prokurimeve Publike, Agjencia Kombëtare e Ujësjellës-Kanalizimeve ka shpallur fitues pa garë bashkimin e operatorëve ndërmjet kompanisë shqiptare “Victoria Invest International” dhe asaj italiane, “De Mare” srl.

Ajo çfarë vihet re është se fitimi i një prokurimi të tillë miliarda lekësh është zhvilluar pa garë por me procedurë prokurimi “me negocim, pa shpallje paraprake”, duke e argumentuar për shkak të nevojës ekstreme në të cilën ndodhemi, pas ngjarjeve të shkaktuara nga tërmeti i datës 26 nëntorit.

Ky argument, si edhe i gjithë tenderi për mbylljen e landfillit të Porto-Romanos, krijon dyshime për një proces të paracaktuar.

Sipas News 24, ky prokurorim publik 17 miliardë lekë të zhvilluar nga Agjencia Kombëtare e Ujësjellës-Kanalizimeve për mbylljen e landfillit të Porto-Romanos ku është shpallur fitues bashkimi I operatorëve  “De Mare” srl dhe “Viktoria Invest International”, në një procedurë të mbyllur, nga ato që konsiderohen “me negociim, pa shpallje paraprake” është sekuestruar këtë fillim jave.