Ndalimi i koronavirusit/ Kuqezinjtë kanë një mesazh për shqiptarët

Futbollistët e kombëtares shqiptare, kanë një mesazh për të gjithë shqiptarët kudo që ata ndodhen, ndërsa si Shqipëria, Kosova dhe shtetet e tjera evropiane po luftojnë që të ndalin përhapjen e koronavirusit.

Armando Sadiku, Mërgim Mavraj, Keidi Bare, Hysen Memolla dhe Kristi Qose, njëzëri këshillojnë që duhet të rrimë në shtëpi, të ndjekim rregullat e organizatave të shëndetit për të mirën tonë, familjarëve dhe gjithë komunitetit që na rrethon.

Federata e Futbollit në këto ditë të vështira, i bën thirrje të gjithë opinionit publik për të respektuar rregullat dhe për të qëndruar në shtëpi. Vetëm kështu mund të mbrojmë së bashku jetën dhe të kalojmë këtë situatë.