Ish deputetja e PD: Lot, dhimbje e varfëri. 300 mijë shqiptarë ushqehen 1 herë në ditë

Ish-deputetja e PD-së, Orjola Pampuri ka publikuar një video ku shfaqen kryefamiljarë të varfër që thonë se nuk kanë bukë, fëmijë që qajnë për të njetjën arsye.

Ajo thotë se kryeministri i vendit, Edi Rama i ka injoruar këta shqiptarë.

Sipas Pampurit 300 mijë shtetas në Shqipëri ushqehen vetëm 1 herë në ditë.

Statusi i Pampurit:

Fjalimet e Edi Ramës nuk kanë lidhje me realitetin e më të varfërve. 

Ai i injoron dhimbjet e një babai që nuk ka çfarë t’u japë fëmijëve. Nuk do t’ia dijë për dhimbjen e një nëne që nuk ushqen dot fëmijët. 

Përçmon lotët e një fëmije që nuk e ndjek dot shkollën online, sepse prindrit e tij janë të pamundur. 

300 mijë shqiptarë jetojnë në të tilla kushte mbijetese, duke u ushqyer vetëm 1 herë në ditë. 

Deri tani nuk janë ndihmuar me asnjë qindarkë nga qeveria. 

Përgjigja e Edi Ramës per ta eshtë “bla bla bla”.