‘Zero tregti me Kosovën’, ministri serb: Reciprociteti më i keq se taksa 100 %
Ministri serb i Tregtisë, Rasim Ljajiç është shprehur në lidhje me heqjen e taksës dhe vendosjen e reciprocitetit mes Kosovës dhe Serbisë që prej prej 1 prillit.
Ljajiç theksoi se masa e re e reciprocitetit është më e keqe se taksa 100 %, ndërsa ka paralajmëruar se tregtia mes dy shteteve do të jetë zero.
‘Disa mallra kanë shkuar ndonëse në sasi të vogël, megjithatë transporti u bë. Nëse aplikohet reciprociteti siç është paralajmëruar, që në të gjitha faturat duhet të deklarohet se sasia dërgohet në Repulikën e Kosovës, ato mallra nuk do të shkojnë, sepse autoritetet tona doganore nuk mund t’i njohin këto dokumente, ndaj tregtia do të jetë zero’, tha mes të tjerash Ljajiç për mediat serbe.