Pas Grenell, edhe Thaçi i reagon ashpër analistit amerikan: Mos krijoni plane fiktive për ndarje të Kosovës
Edward Joseph, profesor i Universitetit “John Hopkins”, në një intervistë për Zërin e Amerikës ka thënë se qëllimi i takimit të fundit në Uashington mes presidentëve Thaçi dhe Vuçiq, ndërmjetësuar nga i Dërguari Special për dialogun Kosovë-Serbi,
Richard Grenell ishte arrihet marrëveshja finale, për të cilën ai thotë se është marrëveshja e njëjtë për të cilin ishin dakorduar gjatë mandatit të Mogherinit.
Ndaj këtyre deklaratave ka reaguar presidenti i Kosovës, Hashim Thaçi, i cili ka thënë se është i zhgënjyer se si disa analistë me kaq lehtësi krijojnë planet e tyre fiktive për shkëmbim territoresh ndarje, autonomi dhe ua atribuojnë atyre. që siç ka thënë Thaçi janë duke u përpjekur të arrijnë një marrëveshje historike mes Kosovës e Serbisë.
Thaçi ka thënë se përhapja e lajmeve të rreme nuk do të ndihmojë këtë proces.
“Është zhgënjyese të shohësh se si disa analistë me kaq lehtësi krijojnë planet e tyre të fiktive (për shkëmbim tokash, ndarje, autonomi) dhe t’ua atribuojnë atyre që janë duke u përpjekur të arrijnë një marrëveshje historike midis Kosovës dhe Serbisë.
Përhapja e e lajmeve të rreme nuk ndihmon këtë proces”, ka shkruar Thaçi në Twitter.
It’s disappointing to see how certain analysts so easily create their fiction plans (land swap, partition, autonomy) and attribute them to those who are trying to make a historic deal between #Kosova & #Serbia. Spreading fake plans & news won’t help this process. https://t.co/APOAEfC5kY
— Hashim Thaçi (@HashimThaciRKS) March 7, 2020
Ndaj këtyre deklaratave të analistit amerikan ka reaguar ashpër edhe i Dërguari Special i Amerikës për dialogun Kosovës-Serbi, Richard Grenell. Grenell i ka quajtur të pavërteta pretendimet e Joseph. Ai thotë se në prezencë të tij asnjëherë nuk është diskutuar për ndarjen e Kosovës.
Ndër të tjera Grenell thotë se Joseph po tregohet i pamatur me të tilla deklarata.