6 pacientë të tjerë lënë spitalin, shërohen nga koronavirusi

Ditën e sotme gjashtë pacientë lanë Spitalin Infektiv në QSUT, pasi u shëruan nga COVID-19. Pas testit konfirmues në Laboratorin e Virologjisë në Institutin e Shëndetit Publik, nga i cili rezultuan negative për COVID-19 mbrëmjen e djeshme, sot 6 pacientë të shtruar në Infektiv u kthyen në shtëpi.

Në total deri tani janë 31 të prekur nga koronavirusi (në spital dhe të vetëizoluar) të cilët janë shëruar. Pacientët e shëruar duhet të qëndrojnë të vetëkarantinuar edhe për 14 ditë të tjera.

Ministrja Manastirliu me një postim në rrjetin social Facebook ka bërë të ditur se gjashtë pacientë të shëruar kanë lënë sot spitalin infektiv:

“Lajm i mirë

Gjashtë pacientë kanë lënë sot spitalin infektiv të #shëruar nga #COVID-19 

Deri tani  qytetarë e kanë fituar betejën me sëmundjen e vështirë

#FORCA ekipit të mjekëve të #Infektivit

#BashkëJaDalim”