10 minuta larg enigmës së Ilir Metës në Bulevardin “Dëshmorët e Kombit”

Që prej ditës kur Ilir Meta deklaroi datën 2 mars, si një manifestim në mbrojtje të Kushtetutës kundër “Grushtit të Shtetit”, nga institucioni i Presidentit, apo stafi i tij nuk ka dalë asnjë informacion, mbi atë se çfarë do të firmosë kreu i shtetit në mes të Bulevardit “Dëshmorët e Kombit”.

Ajo që dihet është se një dekret do të firmoset nga kreu i shtetit, por pa asnjë detaj se çfarë do të ndodhë. Shumë zëra thonë se do të ketë një dekret për mbajtjen e një Referendumi, të tjerë se bëhet fjalë për një shpërndarje të Parlamentit.