VIDEO: Shqipëria merr kryesimin e OSBE, Rama përgatitet me këmbët mbi tavolinë

Për herë të parë, Shqipëria merr Kryesimin e Organizatës për Siguri dhe Bashkëpunim ne Europë.

Në Bratislavë prej dy ditësh po zhvillohet mbledhja e Ministerialit të OSBE-së.

Në këtë video, Rama shfaqet këmbë mbi këmbë në tavolinë gjatë diskutimit për përmbajtjen e fjalimit final, ndërsa bisedon dhe për detajet e tjera të organizmit.

Pjesëmarrësësve të tjerë të stafit në dhomë, duket se nuk iu bën përshtypje ky gjest, ose të paktën mundohen mos e shprehin.

Duke filluar nga data 1 Janar 2020, Shqipëria merr Kryesimin e Organizatës për Siguri dhe Bashkëpunim ne Evropë, OSBE-së, përgjatë një viti kalendarik deri me datën 31 Dhjetor 2020.

Si rrjedhojë ajo do të jetë pjesë e Trojkës së Kryesive së Organizatës së bashku me Italinë dhe Sllovakinë, kur respektivisht në vitet 2018 dhe 2019, ishin Kryesuese të Organizatës.

Nga data 1 Janar 2020, Shqipëria do të jetë në vëmendje jo vetëm të 56 vendeve të tjera pjesëmarrëse, por edhe vendeve partnere Mesdhetare dhe vendeve Aziatike, duke i dhënë kështu jo vetëm një rol me te gjerë diplomatik, por njëkohësisht edhe përgjegjësinë e madhe të drejtimit të një prej Organizatave më të mëdha të rëndësishme në arenën ndërkombëtare.

Sipas njoftimit të Ministrisë së Jashtme, gjatë kësaj presidence do të theksohet angazhimi i Shqipërisë në forcimin e paqes dhe stabilitetit në rajonin tonë dhe në atë të OSBE-së në tërësi, përbën një garanci të mirë për një Kryesi sa më të suksesshme.

Shqipëria njëkohësisht do të adresojë sipas MEPJ-së, përpjekjet e përbashkëta për të gjitha vendet pjesëmarrëse të kësaj organizate, në shërbim të parandalimit të trafikimit të qenieve njerëzore, po ashtu edhe të luftimit të kulturës së pandëshkueshmërisë në përgjithësi.