Zvicra mbyll ambasadën në Tehran, presidenti iranian vendos KUSHTE, Libani arrin 687 të vrarë! Zhvillimet e FUNDIT nga lufta në Lindjen e Mesme
Në ditën e 13-të të konfliktit të përshkallëzuar në Lindjen e Mesme, tensionet vijojnë të rriten përditë e më shumë.
Presidenti iranian vendos kushte
Teksa së fundi janë regjistruar disa zhvillime të rëndësishme, ku mbrëmjen e djeshme, presidenti iranian Masoud Pezeshkian paraqiti tre kërkesa për t’i dhënë fund luftës, duke përfshirë “njohjen e të drejtave legjitime të Iranit, pagesën e dëmshpërblimeve dhe garanci të forta ndërkombëtare kundër agresionit të ardhshëm”.
Duke shënuar kështu herën e parë që presidenti përcakton publikisht kushte specifike për ti dhënë fund konfliktit.
“E vetmja mënyrë për t’i dhënë fund kësaj lufte – të ndezur nga regjimi sionist dhe SHBA-të – është njohja e të drejtave legjitime të Iranit, pagesa e dëmshpërblimeve dhe garancitë e forta ndërkombëtare kundër agresionit të ardhshëm”, tha ai në një postim në X.
3.2 milionë iranianë të larguar
Ndërkohë që OKB-ja ka publikuar shifra të reja sa i përket iranianëve që janë detyruar të largohen nga shtëpitë e tyre për shkak të luftës. Sipas OKB-së për refugjatët e njohur si UNHCR, deri në 3.2 milkionë iranianë janë detyruar të lënë shtëpitë e tyre, si edhe kanë shtuar se shifra ka të ngjarë të rritet akoma më shumë teksa konflikti vazhdon.
Zvicra mbyll përkohësisht ambasadën në Teheran
Ministria e jashtme zviceriane ka njoftuar se zvicra ka mbyllur përkohësisht ambasadën e saj në Teheran për shkak të luftës në Lindjen e Mesme, kjo ambasadë përfaqëson interesat e SHBA-së në Iran.
SHBA-të i ndërprenë marrëdhëniet diplomatike me Iranin në vitin 1980, pas pushtimit të ambasadës amerikane në Teheran dhe krizës së pengjeve që pasoi . Zvicra ka shërbyer si fuqi mbrojtëse për interesat e SHBA-së në dekadat që nga ajo kohë.
“Për shkak të sulmeve të SHBA-së dhe Izraelit kundër Iranit dhe sulmeve të Iranit ndaj vendeve të ndryshme në Lindjen e Mesme, siguria e stafit në ambasadën zvicerane në Teheran nuk mund të garantohet më”, tha ministria e jashtme në një deklaratë , duke vënë në dukje se ambasadori zviceran dhe i gjithë stafi i mbetur i ambasadës u larguan nga Irani me rrugë tokësore të mërkurën.
Numri i të vdekurve në Liban arrin në 687
Ministri i Informacionit të Libanit, Paul Morcos ka njoftuar se numri i personave të vrarë në Liban që prej fillimit të luftës ka arritur në 687, përfshirë këtu 98 fëmijë.