Vendim i ri/ Bonusi me miliona lekë nuk i bind mjekët, arratisen në Gjermani

Në një kohë kur Gjermania është duke marrë mjekët shqiptarë qeveria shton bonusin për mjekët specialistë. Vendimi i qeverisë parashikon se për raste të veçanta të mungesës së mjekut specialist në shërbime të ndryshme të spitaleve rajonale e bashkiake, ministri i Shëndetësisë vendos përveç pagës, trajtimin financiarisht me një bonus deri në 250 000 (dyqind e pesëdhjetë mijë) lekë në muaj.

Sipas këtij vendimi që vjen në një kohë kur spitalet po zbrazen nga mjekët, vlera e bonusit përcaktohet, rast pas rasti, nga ministri i Shëndetësisë dhe Mbrojtjes Sociale.

Bonusi për mjekët ka qenë më i vogël dhe në shumë raste nuk ka funksionuar për shkak se mjekët nuk pranonin të shkonin në rrethe për pagesa deri në 150 mijë lekë në muaj.