U grumbullua për ndeshjen ndaj Norvegjisë/ Gavazaj: Ndjenjë e papërshkrueshme, Kosova…

Futbollisti i skuadrës korçare të Skënderbeut, ka marrë për herë të parë ftesë për të luajtur për ekipin Kombëtar të Shqipërisë. ai është një nga 3 deputuesit në kampionatin tonë të futbollit, që është grumbulluar për ndeshjen e 26 marsit kundër Norvegjisë.
Pas grumbullimit me kombëtaren, 22-vjeçari në daljen e sotme para medieve është shprehur se ka një ndjenjë të papërshkrueshme, dhe se ndihet i privilegjuar të përfaqësojë Shqipërinë. Ai tha se ka pasur 2-3 ftesa nga përfaqësuesja e Kosovës, por gjithmonë kishte menduar për Kombëtaren Shqiptare.
“Kishim emocione se ishte ftesa e parë nga Kombëtarja Shqiptare. Ishte një ndjenjë e papërshkrueshme dhe jam shumë i kënaqur. Ishte dhurata më e bukur, është një nga arritjet më të mëdha në jetë. Jam shumë i privilegjuar që jam pjesë e Kombëtares A.
Gjithmonë do të japim maksimumin dhe të jemi sa më afër ekipit. Po punën se kush luan dhe kush jo e vendos trajneri. Atmosfera është shumë e mirë pasi kam edhe shokë nga e kaluara. Ne do ta tregojmë veten këtu edhe me ekipin. Për të ardhmen, si dihet.
Edhe nëse nuk largohem nga Superiorja do të jetë kënaqësi të luaj me Abazajn. Si fillim duhet ta tregojmë veten në stërvitje. T’i tregojmë trajnerit Panuçi, që jemi për lojë, nëse futemi ose jo e vendos ai.
Kam pasur mundësi për Kosovën, kam marrë 2-3 ftesa, por gjithmonë kam menduar për kombëtaren e Shqipërisë. Jam këtu ku jam se e kam bërë me dëshirën time”, u shpreh Gavazaj. /ZgjohuShqiptar.info