E vranë me helm bretkose? Pesë qeveri, akuza Moskës dy vjet pas vdekjes misterioze në burg të kreut të opozitës ruse

Qeveritë e Britanisë së Madhe, Francës, Gjermanisë, Suedisë dhe Holandës thanë në një deklaratë të përbashkët se analizat laboratorike të mostrave nga trupi i Alexei Navalny konfirmuan praninë e një toksine të quajtur epibatidine, që është një substancë shumë e fuqishme nervore e lidhur me helmin e disa llojeve të bretkosave helmuese të Amerikës së Jugut, si Epipedobates tricolor.

The Financial Express shkruan se këto qeveri thanë se epibatidina nuk gjendet natyrshëm në Rusi, dhe se analiza tregon se ndikimi i tij ka “shumë gjasa” të jetë shkaku i vdekjes së Navalnyt në vitin 2024, ndërsa ai ishte në një burg në Siberi.

Sipas deklaratës, Rusia kishte mjetet, motivin dhe mundësinë për të përdorur këtë substancë gjatë mbajtjes së Navalnyt në burg, dhe pritet të raportohen shkelje të Konventës për Armët Kimike.

Autoritetet ruse kanë mohuar çdo përfshirje, duke hedhur poshtë akuzat dhe duke e quajtur këtë tregim si “propagandë të Perëndimit”.