Zbardhet progres raporti, Shqipëria afër hapjes së negociatave me BE-në

Dy muaj përpara publikimit, është zbardhur progres raporti i Bashkimit Europian për Shqipërinë. Ndërsa vëren shanset që ka vendi ynë për hapjen e negociatave, sërish në qendër të vëmendjes janë pesë prioritetet, ku theksi vihet tek nevoja për të luftuar korrupsionin, veçanërisht në nivelet e larta të politikës dhe zbatimi i ligjeve të Reformës në Drejtësi.Kur kanë mbetur vetëm dy muaj nga publikimi i strategjisë së zgjerimit nga Komisioni Evropian, zbulohen progres raportet për shtetet e Ballkanit Perëndimor.Në progres raportin e publikuar nga organizatat e rrjetit të studimeve evropiane, thuhet se vitin e ardhshëm Shqipëria mund të ketë një mundësi të mirë për të hapur negociatat me BE-në. Përpara se kjo të ndodhë, Shqipëria duhet të jetë në gjendje të zbatojë me sukses reformën në gjyqësor, veçanërisht ri-vlerësimin e gjyqtarëve dhe prokurorëve. Përveç kësaj, vendi duhet të tregojë një rekord të qëndrueshëm në luftën kundër korrupsionit, në mënyrë të veçantë në nivele të larta të politikës.Progresi në pesë prioritetet e përcaktuara nga Brukseli, përkatësisht: reforma e administratës publike, forcimi të gjyqësorit, luftës kundër korrupsionit, luftës kundër krimit të organizuar dhe mbrojtjes e të drejtave të njeriut, mbetet i njëjtë. Nevojiten përpjekje shtesë për të përmirësuar procedurat e rekrutimit të nëpunësve civilë, transparencën me publikun në vendimmarrje dhe menaxhimin e financave publike. Kërkohen më shumë përpjekje, veçanërisht në luftën kundër korrupsionit, krimit të organizuar dhe kontrabandës së drogës. Edhe reforma zgjedhore konsiderohet e dështuar pasi nuk është zbatuar asnjë nga rekomandimet të OSBE/ODIHR.Ligji i verifikimit synon pastrimin e sistemit të drejtësisë nëpërmjet një ekzaminimi të hollësishëm të aseteve, profesionalizmit dhe lidhjeve të mundshme me krimin e organizuar të të gjithëve gjyqtarëve, prokurorëve dhe kandidatëve për poste në sistemin e ri gjyqësor. Prokuroria Speciale Kundër Korrupsionit (SPAK) synon të hetojë dhe gjykojë korrupsionin dhe veprat penale të krimit të organizuar nga zyrtarët e lartë, duke përfshirë udhëheqësit politikë.