“Rama në burg, Berisha në burg”, demokratët të revoltuar me thirrjet e protestuesve, tentojnë t’i provokojnë

Një incident ka ndodhur mes protestuesve dhe militantëve të PD-së pranë selisë së Partisë Demokratike.

Pasi protestuesit janë larguar nga Parlamenti në drejtim të Bulevardit “Dëshmorët e Kombit”, ata kanë thirrur në kor “Rama në burg, Berisha në burg” dhe “opozitë e shitur”.

Por kjo duket se nuk i ka pëlqyer militantëve të PD-së, të cilët kanë filluar të provokojnë protestuesit.

“Ju erdhi fundi”, protestuesit rrethojnë befasisht Parlamentin, deputetët mbeten të bllokuar në oborr, Garda dhe Policia shtojnë masat e sigurisë
Ndërsa një prej tyre ka tentuar të përplaset fizikisht me protestuesit, të cilët më pas kanë vijuar marshimin e tyre.

Më pas, demokratët kanë tentuar të ndryshojnë thirrjen e protestuesve duke thënë “Rama në burg, Belinda në burg”.