Kreu i OBSH-së: Qeveritë të bëjnë sa më shumë teste, ja si mund të ndalet përhapja

Kreu i Organizatës Botërore të Shëndetit, Dr Tedros Adhanom Ghebreyesus, këshillon qeveritë që të kryejnë sa më shumë testime, sepse ata nuk mund të luftojnë kundër pandemisë me sy mbyllur.

“Ne nuk kemi parë mjaftueshëm një përshkallëzim të shpejtë urgjent në testimin, izolimin dhe gjurmimin e kontaktit, që është shtylla kurrizore e përgjigjes.

Mënyra më efektive për të parandaluar infeksionet dhe për të shpëtuar jetën është thyerja e zinxhirëve të transmetimit. Dhe për ta bërë atë, ju duhet të testoni dhe izoloni. Nuk mund ta luftoni zjarrin me sy. Dhe ne nuk mund ta ndalojmë këtë pandemi, nëse nuk e dimë se kush është i infektuar. Kemi një mesazh të thjeshtë për të gjitha vendet: Testoni, testoni, testoni. Testoni çdo rast të dyshuar”. Tha kreu i OBSH-së.

Frika e tij është se koronavirusi do të përhapjet në vendet në zhvillim.

“Deri më tani, kemi parë epidemi në vendet me sisteme të përparuara shëndetësore, edhe ata kanë luftuar për ta përballuar. Ndërsa virusi lëviz në vendet me të ardhura të ulëta, ne jemi thellësisht të shqetësuar për ndikimin që mund të ketë në mesin e popullatave me prevalencë të lartë të HIV-it, ose midis fëmijëve të kequshqyer.

Kjo është arsyeja pse ne po i bëjmë thirrje çdo vendi dhe çdo individi të bëjë gjithçka që mundet për të ndaluar transmetimin. Larja e duarve do t’ju ndihmojë në uljen e rrezikut tuaj nga infeksioni. Por është gjithashtu një veprim solidariteti sepse zvogëlon rrezikun që ju të infektoni të tjerët në komunitetin tuaj dhe në mbarë botën. Bëni atë vetë, bëjeni për të tjerët”.

Ai u bëri thirrje njerëzve në të gjithë botën që të ndalen grumbulimin e ilaçeve dhe ushqimeve. Tedros tha:

“Ne kemi kërkuar që njerëzit të shprehin solidaritetin e tyre duke u përmbajtur nga grumbullimi i sendeve thelbësore, përfshirë ilaçet. Kjo mund të krijojë mungesë të ilaçeve dhe produkteve të tjera thelbësore që mund të përkeqësojnë vuajtjet”.