BE PARALAJMËRON krizë energjitike: Çmimet do të jenë të larta për një kohë të gjatë, plan për racionimin e karburantit

Bashkimi Evropian po përgatitet për një krizë të zgjatur energjitike si pasojë e tensioneve në Lindjen e Mesme dhe po shqyrton të gjitha opsionet për t’u përballur me situatën, njoftoi për Financial Times Komisioneri i Energjisë i BE-së, Dan Jorgensen.

“Kjo është një krizë e gjatë dhe çmimet e energjisë do të mbeten të larta për një kohë të gjatë”, tha Jorgensen duke shtuar se për disa produkte kritike situata mund të përkeqësohet edhe më tej në javët e ardhshme

Masat e mundshme

Ndër masat e mundshme në tryezë janë racionimi i karburantit, lirimi i më shumë naftës nga rezervat strategjike të emergjencës dhe iniciativat për të ulur kërkesën për energji dhe për të promovuar përdorimin e burimeve të rinovueshme të energjisë .

Jorgensen paralajmëroi se kriza do të jetë e gjatë, me çmimet e energjisë që do të mbeten të larta për një kohë të gjatë . Për disa produkte më “kritike”, siç janë karburanti i avionëve ose ngrohja , pritet një presion edhe më i madh në javët e ardhshme.

Komisioneri theksoi se BE-ja duhet të veprojë në mënyrë koherente, duke shmangur përgjigjet e fragmentuara kombëtare që mund të dërgojnë sinjale negative në tregje. Masat, sipas tij, duhet të jenë të synuara, të përkohshme dhe të mos përkeqësojnë kushtet e ofertës dhe kërkesës.

Intervista e Komisionerit nxjerr në pah shqetësimet e Brukselit në lidhje me një krizë të zgjatur energjitike dhe nevojën për vendime të balancuara: mbështetjen e ekonomisë pa rrezikuar strategjinë afatgjatë të tranzicionit të energjisë së pastër dhe autonominë energjitike të Evropës.