Zjarr në hotelin Burj al Arab në Dubai, goditet nga droni iranian (VIDEO)

Last Updated: 01/03/26 - 00:03

Një dron iranian u rrëzua në ndërtesë rreth mesnatës të sotme, duke shkaktuar një zjarr në katet e para të hotelit ikonik Burj Al Arab.

Rreth të njëjtës kohë, një sulm iranian në aeroportin e Dubait plagosi katër persona dhe shkaktoi dëme të mëdha.

Më herët të shtunën pasdite, një dron iranian goditi Palm al Jumeirah, një nga zonat më turistike dhe luksoze në Dubai.

Videot treguan flakë dhe një kolonë tymi që ngrihej në qiell, ndërsa dëgjoheshin sirena dhe zëra banorësh dhe turistësh.

Mbrojtja Civile e Dubait konfirmoi se zjarri që u shkaktua tani është nën kontroll. Katër persona u plagosën dhe u dërguan në spital. Sulmi u krye në shenjë hakmarrjeje për operacionin ushtarak të nisur nga SHBA-të dhe Izraeli kundër Iranit.

Last Updated: 01/03/26 - 00:03
Back to top button
LAJMET E FUNDIT