Jugosllavia e Re: Shqipria republikë e 7 ?!

Mediat serbe raportojnë se ka një iniciativë për të krijuar një bashkim të gjashtë vendeve të Ballkanit Perëndimor (G6), apo siç njihet në gjuhën popullore serbe “Jugosllavinë e versionit 4”, e cila konsiston në një bashkëpunim në nivel institucionesh të Bosnje Hercegovinës, Serbisë, Malit të Zi, Maqedonisë, Kosovës dhe Shqipërisë.

Documenti Malazez që qarkullon në Bruksel

Ky projekt është brenda kontekstit të Bashkimit Europian, shkruajnë mediat serbe dhe ka tërhequr vëmendjen edhe të Sllovenisë dhe Kroacisë, të cilat janë tashmë anëtare të BE-së.

Sipas disa raporteve të pa publikuara, e ardhmja e kësaj aleance ballkanike ka marrë një mbështetje nga Brukseli dhe Uashingtoni.

Dokumenti i Bosnes që qarkullon në Kancelarit e Brukselit

G6-ta do të thotë një Parlament të përbashkët, polici, treg, arsimim dhe sistem shëndetësor të përbashkët. Historia e këtij projekti ka filluar zyrtarisht në mes të qershorit të këtij viti, kur ministri i Jashtëm dhe i Integrimit Europian të Malit të zi ia bëri këtë propozim ministrit të Jashtëm të Bosnjës dhe Hercegovinës.

Kjo aleancë rajonale mund të përfshijë Shqipërinë, Bosnjën dhe Hercegovinën, Malin e Zi , Kosovën, Maqedoninë dhe Serbinë.

Sipas disa raporteve, kjo iniciativë është rezultat e një marrëveshjeje të arritur me ministrat e jashtëm të vendeve, të cilat mbulohen nga Komisoneri për Zgjerim në BE, Stefan Fyle.

Qëllimi i kësaj iniciative është, sipas themeluesit të saj, ministrit të Jashtëm të Malit të Zi, Igor Luksiç, është që vendet e Ballkanit Perëndimor të integrohen në Bashkimin Europian të gjithë së bashku.

Në një dokument të Ministrisë së Jashtme të Bosnje Hercegovinës, i datës 20 qershor të këtij viti, shpjegon këtë iniciativë. Aty thuhet se Kosova mund të bëhet pjesë e kësaj iniciative nëse implementohet marrëveshja mes Prishtinës dhe Beogradit.

Pa e tërhequr aspak vëmendjen e mediave, në mesin e qershorit të këtij viti, një takim konsultativ u mbajt në Budva, në të cilin morën pjesë zyrtarë shqiptarë, boshnjakë, malazez, kosovare, maqedonas dhe serbë për të diskutuar rreth bashkëpunimit për krijimin e gjashtëshes të Ballkanit Perëndimor.

Edhe pse Kroacia është aktualisht vend në Bashkimin e Europian, ajo ka shfaqur mjaft interes që t’i bashkohet kësaj iniciative. Gjithashtu, në takim ishte edhe një përfaqësues i Sllovenisë në statusin e vëzhguesit. Pritet që kjo iniciativë të prezantohet në takimin e radhës të nivelit ministror në Kombet e Bashkuara që do të mbahet në Nju Jork.

  –^^^  Beji “Like” faqes ne facebook “Zgjohu Shqiptar !!!”
               Me pas kliko ketu per ta shperndare ne profilin tuaj.