Xhamajka përgënjeshtron Hashim Thaçin: Nuk e kemi njohur Kosovën!

Ministrja e Jashtme e Xhamajkës, Kamina Johnson-Smith, ka njoftuar në Twitter se vendi i saj ende nuk e ka njohur Kosovën si shtet të pavarur.

Postimi i saj shoqërohej me postimin e Presidentit të Kosovës, Hashim Thaçi, i cili po në këtë rrjet social jepte lajmin se Xhamajka ka njohur Kosovën, ndërsa vlerësonte punën e ambasadores Vlora Çitaku dhe senatorit amerikan Eliot Engel.

Nuk dihet sesi kanë rrjedhur ngjarjet, por sot Xhamajka e mohon atë që figurat më të larta të Kosovës e konfirmonin.