Panariti: Bujqësia po falimenton, zgjidhja është kjo…

Ish-ministri i Bujqësisë, Edmond Panariti dha këtë të martë alarmin për gjendjen ku ndodhet bujqësia dhe fermerët. Sipas tij bujqësia po falimenton dhe qeveria duhet të marrë masa të menjëhershme për lehtësimin e barrës së fermerëve.

“Kemi taksat dhe tatimet më të larta në Evropë për bujqësinë. Nga mungesa e subvencioneve dhe taksat e larta bujqësia po shkon drejt falimentit. Fermerët po ikin”, tha ai.

“Ka një zgjidhje, ka një rrugë, kjo rrugë është heqja e barrës së fermerit. Duhet ulur rimbursimi i tatimit mbi vlerën e shtuar për fermerët nga 20 në 6%. Aq sa e kanë edhe vendet e BE. Kjo do bëjë që prodhimet tona të konkurrojnë denjësisht edhe në tregjet e huaja”, shprehet Panariti ndër të tjera.