Heqja e vizave për Shqipërinë deputetët holandezë, ligjvënësit kërkojnë që ti bëhet presion BE-së
Të enjten në Parlamentin holandez është zhvilluar një debat i ashpër. Deputetët e partive të ekstremit të djathtë, kanë kërkuar rikthimin e vizave për Shqipërinë.
Deputeja Madeleine Van Toorenburg gjatë fjalës së saj, shprehu shqetësim për rritjen e kriminalitetit në Holandë.
Ajo kërkoi nga parlamenti, që kthimi i vizave për Shqipërinë, të jetë pjesë e raportit të Komisionit Evropian.
Ajo përmendi edhe dy vizitat e ministrave holandezë në Tiranë, të cilët kanë ngritur me forcë problemin e kriminalitetit.
Deputetja u shpreh:
Kriminelët shqiptarë veprojnë nga apartamente mira në Roterdam, në mënyrë që të mos dalin jashtë. Prandaj, ky është një problem serioz. Që nga heqja e kërkesës për viza në vitin 2010, krimi i organizuar shqiptar është bërë shumë i madh dhe shumë i rrezikshëm në Europën Perëndimore. Vështrimi i ngadalshëm nuk është më opsion.
Dhe le të mos injorojmë atë: dy ministra kanë shkuar në Shqipëri javët e kaluara për të folur për problemet. Pra, ata e njohin këtë problem, kjo është e qartë. Ne mendojmë se shumë shpejt duhet të ketë një kërkesë për rikthimin e vizave për shqiptarët, derisa Shqipëria t’i ketë punët e saj të rregulluara.
Dhe sigurisht që jemi kuriozë për raportin e Komisionit Europian për Shqipërinë. Unë e kuptoj se do të shfaqet në fund të majit. Por ne, ndërkohë, le të bëjmë çdo përpjekje për ta bërë atë efektiv në frenimin e emergjencës.
Ndërkohë deputeti i partisë PVV, Sietse Fritsman u tregua më i ashpër në qëndrimin e tij.
Sipas Fritsman, heqja e vizave për Shqipërinë ishte një gabim i madh.
Ndër të tjera ai shtoi se heqja e vizave duhet të shikohet edhe për Kosovën.
Deputeti tha:
President, ne tani kemi të bëjmë me një mafie të re në Holandë dhe kjo është mafia shqiptare. Krimet e rënda, shumë dhunë, trafik droge në shkallë të gjerë, dominohen gjithnjë e më shumë nga bandat shqiptare.
Dhe kjo valë e krimit nuk është rastësi. Siç thashë më parë, fatkeqësisht nuk është rasti që BE-ja po mëson nga gabimet, pasi pas kësaj vale kriminaliteti nga Shqipëria, tani do të ketë një përjashtim për viza për banorët e Kosovës”, është shprehur deputeti tjetër holandez. Jeroen Van Wijngaarden, i Partisë VVD, ishte gjithashtu me të njëjtin qëndrim si kolegët e tij. President, kushdo që thotë bandat shqiptare, nënkupton Roterdamin.
Por më lejoni të filloj duke sqaruar një keqkuptim. ‘Trafiku i kokainës dhe ai i qenieve njerëzore’, bandat shqiptare nuk janë problem vetëm për Roterdamin, por për të gjithë Holandën.
Kërkesave të tyre i është kundërpërgjigjur ministri i Jashtëm Stef Blok, i cli tha se heqja e vizave është e pavend, pasi do të komplikonte marrëdhëniet me Shqipërinë.