Jannah Theme License is not validated, Go to the theme options page to validate the license, You need a single license for each domain name.

Mediat greke: Shqiptarët po dynden para IOM-it, duan të ikin nga Greqia

“… Mario është nga Shqipëria dhe ka qenë në Greqi për mbi 10 vjet. Ai ka një leje qëndrimi, ka punuar në ndërtim dhe në ferma, ka grua dhe fëmijë.

Por në një intervistë pohon se ka vendosur të largohet”. Kështu citon një reportazh i gazetës greke “Ekathimerini”, dedikuar problematikës së emigracionit, i cili paraqitet mjaft i mprehtë këto ditë krize në Greqi dhe natyrisht, përfshin brenda saj edhe komunitetin shqiptar që jeton prej vitesh atje.

“Unë kurrë nuk do ta kisha imagjinuar këtë 10 vjet më parë”, citohet të flasë emigranti shqiptar, me emrin Mario.
“Ekathimerini” shton më tej në këtë artikull shifrat e IOM-it, Organizatës Ndërkombëtare për Imigracionin, sipas të cilave, që nga korriku 2010 deri në qershor 2011, 1097 emigrantë që jetonin deri tani në Greqi, janë kthyer në shtëpitë e tyre.

Një rrjet i 440 zyrave të IOM-it në mbarë botën, po i ndihmon emigrantët të kthehen në shtëpitë e tyre nga vendet në krizë. Kështu, pasi IOM-i u ka lëshuar atyre dokumentet e udhëtimit, emigrantët janë marrë nga zyra e të huajve, ku shenjat e gishtave të tyre me anë të sistemit kanë siguruar se nuk ka akuza penale ngritura kundër tyre. E nëse do të kishin të tilla, ata janë mbajtur, edhe pse këto kanë qenë raste të rralla.

Tashmë, janë me qindra të huajve pa dokumenta duke u përpjekur për të marrë të drejtën e riatdhesimeve në listat e IOM-it. “Ata gjenden në qendrën e IOM-it, në Alimos, të gjithë atje për një arsye të vetme: ta lënë Greqinë dhe të kthehen në shtëpi”, citon “Ekathimerini”.

Kjo është e njëjtë për të gjithë. “Nuk ka punë në Greqi. Edhe ju greket nuk mund të gjeni punë, kështu që si mund të kemi ne?”, pohon një emigrant nga Pakistani.

“Dy të rinj nga Gana thoni se ata kanë qenë në Greqi për një vit. Njëri prej tyre filloi në Selanik dhe më pas u zhvendos në Athinë. Historia këtu është e njëjtë. “Ne kemi ardhur këtu për diçka më të mirë, por është e pashpresë. Ne duam të kthehemi në shtëpi”, pohojnë ata. Por e njëjta gjë vlen edhe për dy të rinj nga Tanzania.

Të gjithë këta njerëz venë te zyrat e IOM-it në mënyrë që ata të mund të marrin dokumentet që ata kanë nevojë për të udhëtuar. Në sytë e tyre, ju mund të shihni një kombinim të mbijetesës, por edhe nostalgjisë”, shton “Ekathimerini”.

Nga faqa ne facebook: Te behemi 50.000 veta kunder regjistrimit te fese & kombesise.Loje e Grekut —> “Shperndaje”

Leave a Reply

Your email address will not be published. Required fields are marked *

Back to top button