“1 milion dollarë për lobing”, Basha i përgjigjet Ballës: Ju tregoj ajzbergun e zi në Rumani (VIDEO)

Last Updated: 30/11/17 - 15:11

Kreu i PD-së Lulzim Basha ka adresuar akuza të forta ndaj kryeministrit Edi Rama dhe kreut të grupit parlamentar të PS-së Taulant Balla.Më herët ky i fundit i kërkoi llogari Bashës lidhur me paratë e investuara në kompanitë e lobimit të cilat nuk janë regjistruar në KQZ.

“Kjo është një furtunë në gotë, që Edi Rama të mos i përgjigjet akuzave të faktuara për Saimir Tahirin, për Habilajt, për Balilajt, për vëllain e Fatmir Xhafës, për llogaritë off shore, për të cilat e ka akuzuar OSBE me emër dhe mbiemër me vlerë 200 milionë euro.Për të akuzuar PD-në Rama zgjodhi Ballën që ka rënë në rrjetën e pastrimit të parave prej vitesh dhe që nuk e mbron as imuniteti parlamentar as fjalimet e stisura.

Edi Rama bën mirë të pyesë Drejtorin e tij të Policisë se ç’ka bërë Balla një muaj më parë me një nga të akuzuarit zyrtarisht nga Prokuroria e Elbasanit në Rumani. Kjo është maja e ajsbergut të zi për axhendën e vet politike. PD ka deklaruar në KQZ çdo shpenzim sipas ligjit. Balla tha se do të më kallëzojë të hënën në Prokurori. I thashë të mos presë të hënën, por ta çojë që sot në prokurori. T’ia çojë edhe FBI-së në Ministrinë e Brendshme.PD nuk ka asgjë për të fshehur.Njeriu që fsheh milionat, miliardat e zeza të parave të krimit është vetë Edi Rama. Është shenjë e dëshpërimit dhe panikut, që Rama fshihet pas një njeriu që duhet të ishte dhe me siguri është nën hetim pë pastrim parash,” tha Basha.(TemA)