Mjekja italiane Paola de Paolis: Faleminderit, vëllezër shqiptarë! Të bashkuar do ia dalim!

Në një postim në facebook, mjekja italiane Paola de Paolis shpreh mirënjohjen për solidaritetin dhe kontributin e mjekëve dhe infermierëve shqiptarë, bijtë e një “populli bujar dhe i vetëdijshëm për përballimin e sfidave të modernitetit.

Ju faleminderit që keni ndarë edhe më parë e po ndani me ne një bashkëpunim e kontribut për një sistem shëndetësor më të mirë.”

De Paolis falenderon institucionet shqiptare, Akademinë e Shkencave dhe QSUT “Nënë Tereza” për mundësinë dhe përvojat e bashkëpunimit të mëparshëm me mjekët italianë. Por mbi të gjitha ajo vlerëson ndihmën e kolegëve shqiptarë që kanë shkuar të shërbejnë në spitalet italiane:

”Faleminderit për gjenerozitetin tuaj dhe ndihmën e çmuar ndaj komuniteteve tona gjatë kësaj pandemie tragjike. Të bashkuar do ia dalim dhe pas kësaj do të bëhemi më të fortë për jetën dhe të mirën tonë të përbashkët!”