Atë që nuk bëjnë gazetarët në Lazarat, e bëjnë dy të rinj holandezë (VIDEO)

Last Updated: 27/05/12 - 16:05

Dy të rinj holandezë nga Amsterdami sfidojnë policinë, hyjnë në Lazarat dhe sjellin nga atje pamje dhe dëshmi të rralla mbi jetesën e banorëve të komunës që mban njollën e zezë në hartën e kultivimit të lëndës narkotike në vend.

Një fshat ku kanabisi lulëzon dhe banorët jetojnë mes bimëve narkotike, si të ishin mes bahçeve me trëndafila. Aq sa fëmijët për të shkuar nga shkolla në shtëpi kalojnë mes përmes parcelave, shtyjnë me krahë, bimët e kanabisit që arrijnë lartësinë 3 metër; dhe kur vjen koha e kultivimit angazhohen me gjithë familjen për ta korrur.

Një jetesë e tillë nuk është normale as për dy djem që vijnë nga Holanda ku është legalizuar përdorimi i kanabisit. Daan Vonk & Theo Roelofs janë dy djelmosha nga Amsterdami të cilët verën e kaluar ndërmorën një udhëtim turistik drejt Shqipërisë. Të gjithë aventurën djemtë e regjistrojnë në një film 52. 13 minutash të cilin e quajnë “Udhëtimi me motoçikletë nëpër Shqipëri” dhe e publikojnë në YouTube më datën 24 janar 2012, por kjo video ka mbajtur larg interesit të mediave, por dhe të autoriteteve policore shqiptare.

Mundesohet nga faqet ne facebook: ” Te behemi 50.000 veta kunder regjistrimit te fese & kombesise.Loje e Grekut “ dhe ” Zgjohu Shqiptar !!! “ —> “Shperndaje”