Ambasada e SHBA-së mesazh shqiptarëve: Bëni si Rama, Basha dhe Meta, bashkohuni dhe jini të pastër

Ambasada e SHBA-së në Tiranë u ka dërguar në mesazh shqiptarëve ku i sugjerona tyre që të tregohen të kujdesshëm dhe të rrisin masat personale higjenike. Sipas këtij institucioni, e rëndësishme është që masat që qeveria ka aplikuar dhe këshillat e dhëna, të aplikohen nga të gjithë bashkë.

“COVID-19 kërkon që cilido në Shqipëri, pavarësisht se kush je – të bashkohet në frymë dhe në veprime. Ashtu si Presidenti Meta, Kryeministri Rama dhe Kryetari i Partisë Demokratike Basha ranë dakord së bashku, kjo është një kohë për veprime të qeta dhe praktike nga publiku, dhe veprime të shpejta e të përgjegjshme nga të gjithë udhëheqësit.

Në këtë drejtim, edhe Ambasada do të zbatojë masat mbrojtëse bazë ndaj COVID-19 të rekomanduara nga OBSH-ja, përfshirë mbajtjen e largësisë midis personave dhe masa të rritura personale higjenike, si larja e shpeshtë e duarve. Do të vijojmë të mbështesim përpjekjet e qeverisë së Shqipërisë për të udhëhequr një përgjigje të bashkërenduar dhe transparente, e cila i mban të gjithë njerëzit në Shqipëri sa më të sigurt, të shëndetshëm dhe të informuar që të jetë e mundur.”, ishte mesazhi i ambasadës.