Deklarata e Zelenskyt për Kosovën, aktivisti ukrainas shpërthen ndaj tij: Ndjesi e neveritshme! Ata na mbështetën dhe ne pështymë në fytyrën e tyre

Deklarata e presidentit Ukrainas, Volodymyr Zelensky gjatë vizitës së tij në Beograd ku tha se Kosova është pjesë e Serbisë dhe se vendi i tij nuk do ta njohë pavarësinë e saj, ka sjellë reagime të shumta, ku nuk kanë munguar as kritikat.

Një një postim në Facebook, aktivisti ukrainas Yuriy Gudimenko ka shpërthyer keq nga Zelenskyt, teksa shkruan se deklarata e presidentit ukrainas ishte e neveritshme dhe e turpshme.

Aktivisti shkruan se kosovarët e kanë mbështetur Ukrainën gjatë agresionit rus, ndërsa Zelensky i dha një shuplakë një vedi miqësor si Kosova.

“Shpresoj që miqtë e mi nga Kosova ta kuptojnë se fjalët e presidentit nuk janë gjithmonë mendimi i të gjithë vendit”, thekson ai në postimin e tij.

Postimi i plotë i aktivistit:

Duket sikur para udhëtimit në Serbi, Presidenti Zelenskyy bëri një zgjedhje midis “të lehtës, por imorale” dhe “të vështirës, ​​por të drejtë”, dhe bëri atë zgjedhje, të cilën unë, si qytetar, e gjej të neveritshme dhe të turpshme.

Sa shumë mund t’i kishte ndihmuar Kosova ukrainasit, ushtrinë dhe shpëtimtarët ukrainas, pa pasur as ushtrinë e vet. Veteranët e Kosovës komunikuan me veteranët tanë dhe i ndihmuan ata. Banorët e zakonshëm të Kosovës ndihmuan refugjatët dhe personat e zhvendosur.

Dhe ne – për shkak të presidentit – pështyumë në fytyrën e tyre, duke deklaruar se Kosova është pjesë e Serbisë, “vëllait të vogël të Rusisë”.

Ndoshta diçka e rëndësishme mbeti jashtë kornizës. Por sidoqoftë, pa këtë, do të kishim mundur të bënim edhe pa të, pa i dhënë një shuplakë një vendi të vogël, por miqësor, që na ndihmoi në çfarëdo mënyre që mundi.

Shpresoj që miqtë e mi nga Kosova ta kuptojnë se fjalët e presidentit nuk janë gjithmonë mendimi i të gjithë vendit.

Një ndjesi e neveritshme.