Helmimi i 52 studentëve të Akademisë së Sigurisë, Prokuroria thërret kreun e AKU-së për deklarime

Për llogari të hetimit të helmimit të 52 studentëve të Akademisë së Sigurisë Prokuroria e Tiranës do të thërrasë të martën për deklarime, kreun e AKU, Ersid Hasanllari.

Ai do të pyetet nëse ka kryer apo jo kontrolle më herët.

Një ditë më vonë, të mërkurën, do të thirren si deklarues drejtoresha e ISHP dhe kreu i Kujdesit Shëndetësor të Njësisë Vendore Tiranë.