Gjendet e mbytur një 45-vjeçare në Liqenin e Thatë, nisin hetimet

Një 45-vjeçare është gjetur e pajetë në ujërat e Liqenit të Thatë në Tiranë, pasi dyshohet se është vetëhedhur në liqen.

Ngjarja është regjistruar rreth orës 07:10, të mëngjesit të kësaj të enjteje.

Menjëherë pas marrjes së njoftimit, janë polumbarët e RENEA-s nisën kërkimet në zonë.

Pas rreth dy orësh kërkime, rreth orës 09:00, polumbarët kanë gjetur në ujërat e liqenit trupin e pajetë të qytetares M. T., rreth 45 vjeçe.

Në vendngjarje ka mbërritur grupi hetimor, i cili po punon për zbardhjen e plotë të rrethanave dhe dokumentimin e këtij rasti.